#BeActive Dag 2026: Beweegt Iech, entdeckt, deelt!

Dëst Joer hëlt den #BeActive Day zu Lëtzebuerg mat engem brandneie Format eng nei Form un. Fir d'éischte Kéier fënnt dëse Dag, deen Sport a kierperlech Aktivitéit feiert, gläichzäiteg an véier Gemengen statt: Péiteng, Wiltz, Stéinfort an Echternach.

Als Héichpunkt vun der Europäescher Sportwoch invitéiert de #BeActive Day Persounen vun all Alter, e Dag voller Beweegung, Entdeckung a Spaass ze genéissen. Iwwert de ganzen Dag gëtt et op de véier Plaazen am Land e grousse Choix u sportleche Aktivitéiten, Schnupper-Sessiounen, Atelieren an Ënnerhalung gebueden, sou datt fir jiddereen eppes dobäi ass. D'Freed un der kierperlecher Betätigung steet dobäi am Mëttelpunkt. Egal ob Dir en erfuerene Sportenthusiaste, en Ufänger oder einfach nëmmen firwëtzech sidd, de #BeActive Day ass déi perfekt Geleeënheet, nei Sportarten ze entdecken, lokal Veräiner kennenzeléieren an agreabel Momenter mat der Famill oder Frënn ze deelen.

D'Zil ass einfach: jiddereen dozou ze ermutigen, sech ze beweegen, Saachen auszeprobéieren, Spaass ze hunn an e méi aktive Liewensstil kennenzeléieren. Duerch de Fokus op d'Diversitéit vun de sportleche Méiglechkeeten zu Lëtzebuerg wëll de #BeActive Day d'Leit vun all Alter dozou inspiréieren, Sport voller Spaass an hirem Alldag ze integréieren.

Kommt bei eis op Pétange, Wiltz, Steinfort oder Echternach fir zesummen di Europäesch Sportswoch zesummen ze feieren an e Dag voller Entdeckungen a Beweegung ze genéissen.